an சூரிய சக்தி அமைப்பு என்பது வீட்டின் கூரையில் சூரிய மின் தகடுகளை (solar panels) பொருத்தி, சூரிய ஒளியிலிருந்து மின்சாரத்தை உருவாக்கும் ஒரு அமைப்பாகும். நடுத்தர வர்க்கக் குடும்பங்களுக்கு இந்த அமைப்பு மிகவும் பயனுள்ளதாக இருக்கும். தங்கள் மின்சாரக் கட்டணத்தைக் குறைக்க விரும்புவோருக்கு இது ஒரு சிறந்த தேர்வாகும். இந்த அமைப்பின் மூலம் விளக்குகள், மின்விசிறிகள், தொலைக்காட்சி, வைஃபை (WiFi) ரவுட்டர், குளிர்சாதனப் பெட்டி, அலைபேசி மற்றும் மடிக்கணினி சார்ஜிங், சிறிய நீர் இறைக்கும் பம்ப் போன்றவற்றை இயக்கலாம். இருப்பினும், ஏர் கண்டிஷனர் (AC), இன்டக்ஷன் ஸ்டவ் மற்றும் பெரிய மோட்டார்கள் போன்ற அதிக மின்சாரம் தேவைப்படும் சாதனங்களை இயக்க இது ஏற்றதல்ல. 2KW திறன் கொண்ட சூரிய சக்தி அமைப்பின் மொத்தச் செலவு சுமார் ரூ. 1,40,000 முதல் ரூ. 1,50,000 வரை இருக்கும். இதில் சூரிய மின் தகடுகள், இன்வெர்ட்டர், பொருத்துவதற்கான கட்டமைப்பு (mounting structure), வயரிங், பாதுகாப்பு சாதனங்கள் மற்றும் நிறுவல் கட்டணம் ஆகியவை அடங்கும். ‘பிரதம மந்திரி சூர்யா கர் முஃப்த் பிஜ்லி யோஜனா’ (PM Surya Ghar Muft Bijli Yojana) திட்டத்தின் கீழ் தகுதியுள்ள குடும்பங்களுக்கு சுமார் ரூ. 60,000 மானியம் கிடைக்கும். அந்த மானியத்தைக் கழித்தால், மொத்தச் செலவு சுமார் ரூ. 80,000 முதல் ரூ. 90,000 வரை மட்டுமே இருக்கும். இதுதொடர்பான முழு விவரங்களை தற்போது இந்த பதிவில் விரிவாக பார்க்கலாம்.
