Last Updated:
கத்தார் அரசு அமெரிக்காவிற்கு பரிசளித்த விமானத்தை பார்வையிட்ட அமெரிக்க அதிபர் டிரம்ப், அதில் கையெழுத்திட்டு நாட்டு மக்களுக்கு அறிமுகப்படுத்தினார்.
அமெரிக்க பாதுகாப்புத் துறைக்கு கத்தார் அரசு பரிசளித்த விமானத்தை நாட்டு மக்களுக்கு அறிமுகம் செய்த அதிபர் டிரம்ப், உலகின் ஆடம்பரமான விமானம் என புகழாரம் சூட்டினார்.
கடந்த ஆண்டு ஜூலை மாதம் கத்தார் அரச குடும்பம் பரிசளித்த ஏர் ஃபோர்ஸ் ஒன் 747 விமானத்தை டிரம்ப் நிர்வாகம் ஏற்றுக்கொண்டது. இதனை கடந்தாண்டு செப்டம்பர் மாதம் முதல் டெக்சாஸில் உள்ள அமெரிக்க விமானப்படை பாதுகாப்பு மையம் மறுசீரமைப்பு செய்து வந்தது. அதாவது, விமானத்தின் பாதுகாப்பை உறுதி செய்து, அதன் வால் பகுதி அமெரிக்க கொடி வடிவில் மாற்றி அமைக்கப்பட்டது. இந்நிலையில், விமானத்தை பார்வையிட்ட அமெரிக்க அதிபர் டிரம்ப், அதில் கையெழுத்திட்டு நாட்டு மக்களுக்கு அறிமுகப்படுத்தினார்.
US President Donald Trump has already left his mark on the new Air Force One jet, signing his name on the Boeing 747 donated by Qatar. Trump has described the jet as a luxurious ‘flying White House’. pic.twitter.com/7F4o17BdbO
— Al Jazeera English (@AJEnglish) June 20, 2026
தற்போது உள்ள ஏர் ஃபோர்ஸ் விமானத்தை விட இது, அதிக வேகத்திலும், இடைவிடாது அதிக தூரமும் பயணிக்கக் கூடிய வகையில் வடிவமைக்கப்பட்டுள்ளது. இது உலகின் ஆடம்பரமான விமானம் என்றும் டிரம்ப் புகழ்ந்துள்ளார். இந்நிலையில், 400 மில்லியன் டாலர் மதிப்புள்ள, அதாவது இந்திய ரூபாயில் சுமார் 4 ஆயிரம் கோடி மதிப்பிலான இந்த விமானம் வெளிநாட்டிலிருந்து கிடைத்த முன்னெப்போதும் இல்லாத பரிசு என்பதால், இது தொடர்பாக பல்வேறு சந்தேகங்களும் எழுந்துள்ளன.
Click here to add News18 as your preferred news source on Google. Jun 20, 2026 12:09 PM IST
