Last Updated:
இந்திய வரலாற்றிலேயே மிக நீண்ட காலம் தொடர்ச்சியாகப் பிரதமராக இருந்த, மக்களாட்சி முறையில் தேர்ந்தெடுக்கப்பட்ட தலைவர் என்ற சாதனையை மோடி படைத்துள்ளார்
மத்தியில் ஆளும் பாஜக தலைமையிலான தேசிய ஜனநாயக கூட்டணி அரசு, பெண்களின் முன்னேற்றத்திற்கும் அவர்களின் தலைமையிலான வளர்ச்சிக்கும் மிக முக்கியத்துவம் அளித்து வருவதாகப் பிரதமர் நரேந்திர மோடி தெரிவித்துள்ளார்.
என்.டி.ஏ ஆட்சியில் “நாரி சக்திக்கு (பெண் சக்தி) 12 ஆண்டுகள்” நிறைவடைந்ததை முன்னிட்டு, சமூக ஊடகமான ‘X’ (ட்விட்டர்) தளத்தில் அவர் தொடர்ச்சியான பதிவுகளைப் பகிர்ந்துள்ளார். கடந்த 12 ஆண்டுகளில் நாட்டின் பல்வேறு துறைகளில் பெண்களுக்கான வாய்ப்புகளை விரிவுபடுத்துவதற்காகத் தனது அரசு எடுத்த புரட்சிகரமான நடவடிக்கைகள் மற்றும் சாதனைகளை அவர் இதில் விரிவாகக் பட்டியலிட்டுள்ளார்.
தொழில்முனைவோர் தகுதி (Entrepreneurship) தொடங்கி கல்வி, மருத்துவம், சுகாதாரம், வீட்டுவசதி, விளையாட்டு, அறிவியல் மற்றும் நிர்வாகம் வரை ஒவ்வொரு துறையிலும் இன்று பெண்கள் தங்களின் தனி முத்திரையைப் பதித்து வருவதாகப் பிரதமர் பாராட்டியுள்ளார்.
என்.டி.ஏ அரசின் அனைத்து முயற்சிகளும் பெண்களின் கண்ணியம், அவர்களுக்குரிய தகுதியான வாய்ப்புகள் மற்றும் அதிகாரமளித்தலை நோக்கமாகக் கொண்டே அமைந்துள்ளன என்றும்; பெண்கள் தங்களின் முழுத் திறனையும் உணர்ந்து, தேசக் கட்டுமானத்தில் வலுவான பங்காளிகளாக மாறுவதற்கு உகந்த சூழலை உருவாக்குவதில் கடந்த 12 ஆண்டுகால உழைப்பு பெரிதும் உதவியுள்ளது என்றும் பிரதமர் குறிப்பிட்டுள்ளார்.
அறிவியல், விண்வெளி மற்றும் கண்டுபிடிப்புத் துறைகளில் பெண்களின் பங்களிப்பு தொடர்ந்து அதிகரித்து வருவதாகக் குறிப்பிட்டுள்ள பிரதமர், குறிப்பாக ‘ட்ரோன் தொழில்நுட்பம்’ (Drone Technology) போன்ற அதிநவீன துறைகளில் பெண்கள் நுழைந்திருப்பது அவர்களுக்குப் புதிய வாய்ப்புகளைத் திறந்துவிட்டுள்ளதுடன், நாட்டின் வளர்ச்சி வடிவத்தையே மாற்றி அமைத்து வருகிறது என்று தெரிவித்துள்ளார்.
இவற்றுடன், சுயஉதவிக் குழுக்களுக்கு அரசு வழங்கி வரும் தொடர்ச்சியான ஆதரவு, பெண்களைப் பொருளாதார ரீதியாகச் சுதந்திரமானவர்களாக மாற்றியமைப்பதாகப் புகழாரம் சூட்டியுள்ளார்.
பிரதமர் மோடி தொடர்ந்து 4,399 நாட்கள் பதவியில் நீடித்து, இந்திய வரலாற்றிலேயே மிக நீண்ட காலம் தொடர்ச்சியாகப் பிரதமராக இருந்த, மக்களாட்சி முறையில் தேர்ந்தெடுக்கப்பட்ட தலைவர் என்ற புதிய வரலாற்றுச் சாதனையைப் படைத்துள்ளார். இந்தச் சாதனையைப் பாராட்டிய கூட்டணிக் கட்சித் தலைவர்கள், அரசின் கடந்த 12 ஆண்டுகால மக்கள் நலத் திட்டங்களையும், நிர்வாகச் சீர்திருத்தங்களையும் வெகுவாகப் பாராட்டியுள்ளனர்.
இந்திய வரலாற்றில் புதிய சாதனை: 12 ஆண்டுகால NDA ஆட்சியில் பெண்கள் மேம்பாடு குறித்து பிரதமர் மோடி நெகிழ்ச்சி!
