முன்னாள் தெற்கு மாகாண முதலமைச்சர் ஷான் விஜயலால் கைது

தென் மாகாண முன்னாள் முதலமைச்சர் ஷான் விஜயலால் டி சில்வா, இலஞ்ச ஊழல் விசாரணை ஆணைக்குழுவினால் இன்று (10) கைது செய்யப்பட்டுள்ளார்.

நிதி மோசடி மற்றும் அதிகார துஷ்பிரயோகம் உள்ளிட்ட ஊழல் குற்றச்சாட்டுகள் தொடர்பான நீண்டகால விசாரணைகளின் பின்னரே அவர் கைது செய்யப்ட்டுள்ளார்.

அரசாங்கத்திற்கு இழப்பு

2019-ஆம் ஆண்டில், தெற்கு மாகாண சபை உறுப்பினர்களுக்கான ரூ. 16.5 மில்லியன் ஒதுக்கீட்டிலிருந்து, தெற்கு மாகாணத்தில் உள்ள பொதுத் தன்னார்வ சங்கங்களுக்கு நாற்காலிகளை வழங்குவதற்காக, பரிந்துரைக்கப்பட்ட கொள்முதல் நடைமுறைக்கு வெளியே ஒரு உற்பத்தி நிறுவனம் தேர்ந்தெடுக்கப்பட்டது.

இதன்மூலம் அந்த நிறுவனத்திற்குப் பயனளித்ததோடு, தெற்கு மாகாணத்தின் மூன்று மாவட்டங்களில் உள்ள 54 மாகாண சபை உறுப்பினர்களின் வீட்டுவசதி அலுவலகங்களுக்கு 16,361 வாங்கப்பட்ட நாற்காலிகளைக் கொண்டு சென்று விநியோகித்ததால் அரசாங்கத்திற்கு இழப்புகளும் ஏற்பட்ட சம்பவம் குறித்தே கைது நடவடிக்கை மேற்கொள்ளப்பட்டுள்ளது.