கொழும்பிலுள்ள முன்னாள் ஜனாதிபதியின் இல்லத்திற்குச் சென்றுள்ள குற்றப்புலனாய்வு திணைக்கள அதிகாரிகள், அங்கு வைத்தே இந்த வாக்குமூலத்தைப் பதிவு செய்து வருகின்றனர்.
முன்னாள் ஜனாதிபதி ரணில் விக்ரமசிங்கவின் மனைவி பேராசிரியர் மைத்திரி விக்ரமசிங்கவிடம் குற்றப்புலனாய்வு திணைக்களம் (CID) தற்போது வாக்குமூலம் ஒன்றைப் பதிவு செய்து வருகின்றது.
கிடைக்கப்பெற்றுள்ள தகவல்களின்படி, கொழும்பிலுள்ள முன்னாள் ஜனாதிபதியின் இல்லத்திற்குச் சென்றுள்ள குற்றப்புலனாய்வு திணைக்கள அதிகாரிகள், அங்கு வைத்தே இந்த வாக்குமூலத்தைப் பதிவு செய்து வருகின்றனர்.
இந்த விசாரணையின் தன்மை அல்லது தற்போது முன்னெடுக்கப்பட்டு வரும் ஏனைய விசாரணைகளுடன் இதற்கு ஏதேனும் தொடர்பு உள்ளதா என்பது குறித்த விபரங்கள் இதுவரை வெளியாகவில்லை.
எந்த வழக்கு அல்லது புகார் தொடர்பாக இந்த வாக்குமூலம் பெறப்படுகிறது என்பது குறித்தும் CID அதிகாரிகள் எதனையும் அதிகாரப்பூர்வமாக வெளியிடவில்லை. மேலதிக விசாரணைகள் தொடர்வதால், அடுத்த கட்ட நடவடிக்கைகள் குறித்து பின்னர் அறிய முடியும்.
