பிரெஞ்சு பொது முன்னோட்டமாக களிமண் தரையில் நடக்கும் மாட்ரிட் பொது அனைத்துலக டென்னிஸ் போட்டி ஸ்பெய்னில் நேற்று முன்தினம் தொடங்கியது. ஆண்கள் ஒற்றையர் முதலாவது சுற்று ஆட்டம் ஒன்றில் குரோஷியாவின் மரின் சிலிச் 4-6, 6-3, 6-4 என்ற செட் கணக்கில் ஜிசோவ் பெர்க்சை (பெல்ஜியம்) வீழ்த்தினார்.
மற்ற ஆட்டங்களில் டாமி ஜூம்ஹர் (போஸ்னியா) 6-2, 6-4 என்ற நேர் செட்டில் மேட்டியா பெலுக்சியையும் (இத்தாலி), டினோ பிரிஸ்மிக் (குரோஷியா) 6-3, 6-4 என்ற செட் கணக்கில் இத்தாலியின் பெரேட் டினியையும் ஜன் லெனர்ட் ஸ்ரப் (ஜெர்மனி) 7-6(3), 6-0 என்ற செட் கணக்கில் அலெக்ஸாண்டர் முல்லரையும் (பிரான்ஸ்) தோற்கடித்து 2ஆவது சுற்றை எட்டினர்.
