ஹோர்முஸ் நீரிணையை மீண்டும் திறப்பதற்கான தீர்வு காணும் அடுத்த கட்டத்தில் தாங்கள் இருப்பதாக பிரித்தானிய பிரதமர் கெய்ர் ஸ்டார்மரும், அமெரிக்க ஜனாதிபதி டொனால்ட் ட்ரம்பும் தெரிவித்துள்ளனர்.
அரசுமுறைப் பயணமாக கத்தாருக்குச் சென்றடைந்துள்ள பிரதமர் ஸ்டார்மர், அங்கிருந்தபடியே அமெரிக்க ஜனாதிபதியுடன் தொலைபேசியில் இந்த முக்கிய உரையாடலை மேற்கொண்டுள்ளார்.
சர்வதேச வர்த்தகத்தில் முக்கிய பங்கு வகிக்கும் இந்தக் கப்பல் போக்குவரத்துப் பாதையைத் திறப்பதற்கு ஏதுவாக, நடைமுறைச் சாத்தியமான திட்டமொன்றை உருவாக்குவதற்காகக் கூட்டணி நாடுகளை ஒன்றிணைக்கும் பிரித்தானியாவின் தீவிர முயற்சிகளை ஸ்டார்மர் இந்த உரையாடலின் போது ட்ரம்பிடம் எடுத்துரைத்துள்ளார்.
நிரந்தரத் தீர்வு
தற்போது போர் நிறுத்தம் நடைமுறையில் இருப்பதாலும், நீரிணையைத் திறப்பதற்கான அடிப்படை உடன்பாடு எட்டப்பட்டுள்ளதாலும், இந்தப் பிரச்சினையில் நிரந்தரத் தீர்வு காணும் அடுத்த கட்டத்திற்கு நகர்ந்துள்ளதாக இரு தலைவர்களும் ஒருமனதாக ஒப்புக்கொண்டுள்ளனர்.
மேலும், முடங்கியுள்ள கப்பல் போக்குவரத்தை எவ்விதத் தாமதமுமின்றி எவ்வளவு விரைவாக மீண்டும் தொடங்க முடியுமோ, அவ்வளவு விரைவாகச் செயல்படுத்துவதற்கான ஒரு தெளிவான நடைமுறைத் திட்டத்தின் அவசியம் குறித்தும் ஸ்டார்மரும் ட்ரம்பும் விரிவாக விவாதித்ததாக அந்த அறிக்கையில் தெரிவிக்கப்பட்டுள்ளது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்…! |
