ஈரான் அமெரிக்காவுடன் போர் நிறுத்த பேச்சுவார்த்தை நடத்தவில்லை என உறுதி செய்துள்ளது. அதே சமயம் டிரம்ப் ஹார்முஸ் நீரிணை பாதுகாப்பில் ஒத்துழைப்பு ஏற்படும் என்று கூறினார்.
மத்திய கிழக்கில் கடந்த 4 வாரங்களாக தொடரும் ஈரான்-அமெரிக்க மோதலில் புதிய குழப்பங்கள் உருவாகியுள்ளன. பிப்ரவரி 28ஆம் திகதி அமெரிக்கா மற்றும் இஸ்ரேல் கூட்டணியுடன் ஈரானின் முக்கிய வான்வழி மற்றும் ராணுவ உள்கட்டமைப்புகளை கடுமையாக தாக்கியதுடன், இதில் ஆயிரக்கணக்கான பொதுமக்கள் உயிரிழந்தனர்.
பதிலாக ஈரான் அமெரிக்கா, இஸ்ரேல் மற்றும் அதன் கூட்டணி தளங்களுக்கு தாக்குதல் நடத்தியது. சர்வதேச அமைப்புகள், இந்தியா, சீனா, ரஷியா போன்ற நாடுகள் போரை முடிக்க உடனடி நடவடிக்கை எடுக்குமாறு வலியுறுத்தி வருகின்றன.
இந்த நிலையில், அமெரிக்க ஜனாதிபதி டொனால்ட் டிரம்ப் ஈரானின் அணு உலைகள் மற்றும் எரிசக்தி உள்கட்டமைப்புகள் மீது நடைபெறவுள்ள ராணுவ நடவடிக்கைகளை 5 நாட்களுக்கு ஒத்திவைத்தார்.
இதன் பின்னணி குறித்து டிரம்ப் கூறியதாவது, “ஈரானின் உயர்ந்த ஒருவருடன் நாங்கள் பேசி வருகிறோம். அவர் மரியாதைக்குரியவர் என்று நம்புகிறேன். தற்போதைய உச்சபட்ச தலைவர் முஜ்தபா காமேனியுடன் பேசவில்லை; அவரின் உயிர்நிலை உறுதி இல்லை. ஈரான் அணு ஆயுதங்களை வைக்கப்போவதில்லை என ஒப்புக்கொண்டுள்ளது. அமெரிக்கா மற்றும் ஈரான் சேர்ந்து ஹார்முஸ் நீரிணையை பாதுகாப்போம்” எனத் தெரிவித்தார்.
எனினும், ஈரான் அரசு போர் நிறுத்தம் தொடர்பாக அமெரிக்காவுடன் எந்த பேச்சுவார்த்தையும் நடக்கவில்லை என்று தெளிவாக மறுத்துள்ளது. மேலும், “எங்களின் எச்சரிக்கைக்கு ஜனாதிபதி டிரம்ப் பணிந்துவிட்டார்” எனவும் விமர்சனம் முன்வைத்துள்ளது. அமெரிக்காவை தொடர்புடைய பேச்சுவார்த்தைக்கு யார் பிரதிநிதியாக ஈரான் பங்கேற்றது என்பதில் குழப்பம் நிலவும் நிலையில் உள்ளது.
இந்த முரண்பட்ட கூற்றுகள், தற்காலிக போர் நிறுத்தம் முடிந்தவுடன் மத்திய கிழக்கில் பதற்றம் மீண்டும் அதிகரிக்கும் அபாயத்தை உருவாக்கியுள்ளன. ஹார்முஸ் நீரிணை பாதுகாப்பு மற்றும் இரு நாடுகளின் அணு ஆயுத ஒத்துழைப்பு தொடர்பான சிக்கல்கள் சர்வதேச கண்ணோட்டத்தில் கவனம் பெற்றுள்ளன.
