ஆதார் கார்டு செல்லாமல் போகுதா? 10 ஆண்டு புதுப்பிப்பு குறித்து UIDAI விளக்கம்!

10 ஆண்டுகளுக்கு முன்பு மக்கள் தாங்கள் பெற்ற ஆதார் அட்டையைப் புதுப்பிக்கவில்லை என்றால் ஜூன் 14ஆம் தேதிக்குப் பிறகு அவர்களின் ஆதார் அட்டை வேலை செய்யாது என்று சமூக வலைதளங்களில் ஒரு போலி செய்தி வைரலாக பரவியது. அறிக்கைகளின்படி, இந்திய தனித்துவ அடையாள ஆணையம் (UIDAI) இந்த கூற்றுக்களை மறுத்துள்ளது; இந்த செய்தி உண்மையல்ல என்று தெளிவுபடுத்தியுள்ளது.

மேலும், இப்படி ஒன்று நடக்காது என்றும், 10 ஆண்டுகளுக்குப் பிறகு ஆதார் அட்டைகள் புதுப்பிக்கப்படாவிட்டாலும், அவை தொடர்ந்து செயல்படும் என்றும் UIDAI கூறியுள்ளது. ஆதார் அட்டை தொடர்பான இந்த போலி செய்திகள் சில நாட்களுக்கு முன்பு வேறொரு செய்தியின் காரணமாக உருவானதாக கூறப்படுகிறது. ஆதார் விவரங்களைப் புதுப்பிப்பதற்கான காலக்கெடுவை ஜூன் 14, 2024 வரை மத்திய அரசு நீட்டித்துள்ளது. முன்னதாக, மார்ச் 14ஆம் தேதி வரை காலக்கெடு விதிக்கப்பட்டது, ஆனால் UIDAI இலவச ஆன்லைன் ஆவணப் பதிவேற்ற வசதியை ஜூன் 14ஆம் தேதி வரை நீட்டித்துள்ளது. இது ஆதார் அட்டைகள் புதுப்பிக்கப்படவில்லை என்றால், ஜூன் 14க்குப் பிறகு செல்லாது என்ற வதந்திகளுக்கு வழிவகுத்தது.

மக்கள் தங்கள் ஆதார் எண்ணை ஆன்லைனில் புதுப்பித்திருந்தால் மட்டுமே இலவச அப்டேட் செய்யும் வசதி கிடைக்கும். இருப்பினும், அவர்கள் ஆதார் சேவா கேந்திராவிற்குச் சென்று தங்கள் ஆதார் அட்டையைப் புதுப்பிக்க பணம் செலுத்த வேண்டும்.

ஆதார் அட்டையை ஆன்லைனில் புதுப்பிப்பதற்கான வழிகள்:

1. UIDAI-ன் self-service update போர்ட்டலைக் கிளிக் செய்யவும், அதாவது, https://ssup.uidai.gov.in/ssup/

2. ‘Login’ என்பதைக் கிளிக் செய்து, உங்களின் தனிப்பட்ட 12 இலக்க ஆதார் எண் மற்றும் கொடுக்கப்பட்ட கேப்ட்சா குறியீட்டையும் உள்ளிடவும்.

3. பிறகு ‘Send OTP’ என்பதைக் கிளிக் செய்யவும். உங்கள் ஆதாருடன் இணைக்கப்பட்ட மொபைல் எண்ணில் அனுப்பப்பட்ட OTP-ஐ உள்ளிடுவீர்கள்.

Also Read | 
UPI பேமெண்ட்… மோசடிகளில் சிக்காமல் இருக்க இதை ஃபாலோ பண்ணுங்க போதும்!

4. இப்போது services tab-ன் கீழ் ‘Update Aadhaar Online’ என்பதைத் தேர்ந்தெடுக்கவும்.

5. இப்போது ‘Proceed to Update Aadhaar’ என்பதைக் கிளிக் செய்து, நீங்கள் மாற்ற விரும்பும் விவரங்களைத் தேர்ந்தெடுக்கவும்.

6. உங்கள் ஆதார் அட்டையில் இருக்கும் உங்கள் பெயர் உங்கள் திரையில் தோன்றும்.

7. ஆவணங்களைப் பதிவேற்றுவதன் மூலம் நீங்கள் விரும்பும் மாற்றங்களைச் செய்யலாம்.

8. செய்யப்பட்ட மாற்றங்களை உறுதிப்படுத்தவும், பின்னர் உங்கள் தகவல் புதுப்பிக்கப்படும்.

.