பிரதமரின்
மூத்த அரசியல் ஆலோசகராக தெங்கு ஜாப்ருல் அஜீஸ் இன்று முதல் அமலுக்கு வரும் வகையில் நியமிக்கப்பட்டுள்ளார்.
தெங்கு
ஜாப்ருல் இந்தப் பதவியில் இரண்டு ஆண்டுகளுக்குப் பணியாற்றுவார் என்று பிரதமர் அலுவலகம் வெளியிட்டுள்ள அறிக்கையில் தெரிவிக்கப்பட்டுள்ளது.
தெங்கு
ஜாப்ருல் நாட்டின் செழுமைக்காகவும், மக்களின் நலனுக்காகவும் இந்த பொறுப்பை விடாமுயற்சியுடனும்
உண்மையுடனும் நிறைவேற்றுவார் என்று பிரதமர் நம்பிக்கை தெரிவித்துள்ளார்” என்று அந்த அறிக்கையில் கூறப்பட்டுள்ளது.
கடந்த
ஆண்டு நவம்பரில் சம்சுல் இஸ்கந்தர் அகின் பிரதமரின் மூத்த அரசியல் செயலாளர் பதவியிலிருந்து விலகியதை அடுத்து ஏற்பட்ட வெற்றிடத்தை நிரப்புவதற்காக இந்த நியமனம் செய்யப்பட்டுள்ளதாகவும்
தெரிவிக்கப்பட்டுள்ளது.
2022 டிசம்பரில்
இந்தப் பதவிக்கு நியமிக்கப்பட்ட சம்சுல், சர்ச்சைக்குரிய தொழிலதிபர் ஆல்பர்ட் தே-யுடன் தொடர்புடைய
நிறுவனங்களுக்கு சபாவில் கனிம ஆய்வு உரிமங்களைப்
பெற்றுத் தருவதற்கு உதவியாக, அவரிடமிருந்து லஞ்சம் பெற்றதாகக் கூறப்படும் குற்றச்சாட்டின் கீழ் தற்போது விசாரணையை
எதிர்கொண்டுள்ளார்.
முன்னாள்
முதலீடு, வர்த்தகம் மற்றும் தொழில் துறை அமைச்சரான தெங்கு
ஜாப்ருல், தற்போது மலேசிய முதலீட்டு மேம்பாட்டு வாரியத்தின் (MIDA) தலைவராக உள்ளார்.
அவர்
மலேசிய பேட்மிண்டன் சங்கத்தின் தலைவராகவும் பொறுப்பு வகிக்கிறார்.
மார்ச் 2020-இல் முகிதின் யாசின் அமைச்சரவையில் நிதி அமைச்சரானபோது, அவர் முதன்முதலில் செனட்டராக நியமிக்கப்பட்டார்.
15-வது பொதுத் தேர்தலில் அம்னோ சார்பில் போட்டியிடுவதற்காக அவர் தனது பதவியை ராஜினாமா செய்தார், ஆனால் அந்தத் தேர்தலில் அவர் தோல்வியடைந்தார்.
-fmt
