இந்தியா, நேபாளத்துக்கு அடுத்து இந்துக்கள் அதிகம் வசிக்கும் 3வது நாடு எது தெரியுமா..? தெரிஞ்சா ஷாக் ஆகிடுவீங்க!

உலகில் இந்தியா, நேபாளத்திற்கு அடுத்தபடியாக இந்துக்கள் அதிகம் வசிக்கும் 3 ஆவது நாடு குறித்து இந்த பதிவில் பார்க்கலாம்.

இந்தியாவில் 96.63 கோடி இந்துக்கள் உள்ளனர், அதாவது மொத்த மக்கள் தொகையில் 79 சதவீதம் பேர் உள்ளனர். அதே சமயம், மொத்த மக்கள்தொகை சதவீதத்தைப் பார்த்தால், அண்டை நாடான நேபாளத்தில்தான் இந்துக்களின் சதவீதம் அதிகம். நேபாளத்தின் மொத்த மக்கள் தொகையில் 80 சதவீதத்திற்கும் அதிகமானோர் இந்துக்கள்.

மத்திய புள்ளியியல் அலுவலகத்தின்படி, 2021ஆம் ஆண்டு மக்கள் தொகை கணக்கெடுப்பின்படி, நேபாளத்தில் 81.19 சதவீதம் பேர் இந்துக்கள் இருந்தனர். எண்ணிக்கை அடிப்படையில் பார்த்தால் இங்கு 2 கோடியே 36 லட்சத்து 77 ஆயிரத்து 744 இந்துக்கள் உள்ளனர். ஒரு காலத்தில், நேபாளம் ஒரு இந்து தேசமாக இருந்தது. ஆனால் 2006 இல் அது மதச்சார்பற்ற நாடாக அறிவிக்கப்பட்டது.

சதவீத அடிப்படையில் நேபாளம் உலகின் மிகப்பெரிய இந்து நாடாக உள்ளது. நேபாளத்தின் கலாச்சாரம் திபெத் மற்றும் இந்தியாவைப் போன்றது. நேபாளத்தின் அடிப்படை கலாச்சாரத்தில் மத மற்றும் சாதி சகிப்புத்தன்மை உள்ளது. இங்கு வைணவம், சைவம், பௌத்தம், சாக்த செல்வாக்கு மிக்கவையாக உள்ளன. நேபாளத்தில் 9 சதவீத பௌத்தர்களும் 4.4 சதவீத முஸ்லிம்களும் உள்ளனர்.

நேபாளம் மற்றும் இந்தியாவிற்கு அடுத்தபடியாக மொரிஷியஸில் அதிக எண்ணிக்கையிலான இந்துக்கள் உள்ளனர். தற்போது மொரீஷியஸில் 50 சதவீதத்திற்கும் அதிகமான இந்துக்கள் உள்ளனர். மொரிஷியஸில் 2011 மக்கள் தொகை கணக்கெடுப்பின்படி, மொத்த மக்கள் தொகையில் 48.5 சதவீதம் இந்துக்கள். இப்போது அது 51 சதவீதத்தை எட்டியிருப்பதாக நம்பப்படுகிறது.

ஒப்பந்த வேலை மூலம் மொரீஷியஸில் இந்து மதம் பரவத் தொடங்கியது. கிழக்கிந்திய கம்பெனியின் ஆட்சியின் கீழ் பணிபுரிய மொரிஷியஸுக்கு ஏராளமான இந்துக்கள் அழைத்து வரப்பட்டனர். இந்த தொழிலாளர்கள் பீகார், உத்தரபிரதேசம், மத்திய பிரதேசம், ஜார்கண்ட், மகாராஷ்டிரா, தமிழ்நாடு, தெலுங்கானா மற்றும் ஆந்திரா ஆகிய மாநிலங்களில் இருந்து அழைத்து செல்லப்பட்டனர். அவர்கள் பிரிட்டிஷ் தோட்டங்களில் வேலை செய்தனர். தற்போது ஆப்பிரிக்க கண்டத்தில் அதிக இந்தியர்களைக் கொண்ட நாடாக மொரிஷியஸ் மாறியுள்ளது. இங்கு இந்துக்கள் பெரும்பான்மையாக உள்ளனர்.

இந்தியர்கள் 1836 இல் மொரிஷியஸுக்கு முதன்முதலில் அழைத்துச் செல்லப்பட்டனர். இதன்பின்னர் இந்தியாவில் இருந்து ஒப்பந்தத் தொழிலாளர்கள் பிஜி, ஜமைக்கா, டிரினிடாட், மார்டினிக், சுரினாம் மற்றும் பிற நாடுகள் அல்லது தீவுகளுக்கு வேலைக்காக கொண்டு செல்லப்பட்டார்கள்.

இதையும் படிக்க:
காசோலையின் பின்பக்கம் கையொப்பம் போடசொல்வது ஏன் தெரியுமா..? பலருக்கும் தெரியாத காரணம்!

மொரீஷியஸ் அரசாங்கத்தின் பெரும்பாலான பிரதமர்கள் இந்துக்கள். அங்குள்ள அரசாங்கத்தின் பெரும்பாலான அமைச்சர்களும் இந்துக்களே. மொரிஷியஸின் பொருளாதாரம் மற்றும் நிர்வாகத்திலும் அவர்கள் ஆதிக்கம் செலுத்துகிறார்கள்.

மொரிஷியஸுக்கு அடுத்தபடியாக பிஜியில் 27.9 சதவீதம் இந்துக்கள் உள்ளனர். கயானாவில் 23.3 சதவீத இந்துக்களும், இந்தியாவின் அண்டை நாடான பூட்டானில் 22.5 சதவீத இந்துக்களும் உள்ளனர். இந்துக்கள் டொபாகோவில் 18.2 சதவீதமும், கத்தாரில் 15.1 சதவீதமும், இலங்கையில் 12.6 சதவீதமும் உள்ளனர்.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…