கோலாலம்பூர் | மார்ச் 02, 2026:
சமீபத்தில் இதய அறுவை சிகிச்சை செய்துகொண்டு தீவிர சிகிச்சைப் பிரிவில் அனுமதிக்கப்பட்டிருந்த பாஸ் (PAS) கட்சியின் ஆன்மீகத் தலைவர் ஹாஷிம் ஜாசின் அவர்களின் உடல்நிலை தற்போது சீராகி வருவதாகத் தெரிவிக்கப்பட்டுள்ளது.
தஹாஷிம் ஜாசினின் மகள் ஹுஸ்னா ஹாஷிம் தனது தந்தையின் உடல்நிலை குறித்த முக்கிய தகவல்களைப் பகிர்ந்துள்ளார்: அவரது இதயம் மற்றும் சிறுநீரக செயல்பாடுகளில் நேர்மறையான மாற்றங்கள் தென்படுகின்றன. இதன் காரணமாக அவருக்கு வழங்கப்பட்டு வந்த மருந்துகளின் அளவு படிப்படியாகக் குறைக்கப்பட்டு வருகிறது.
அறுவை சிகிச்சைக்குப் பிறகு லேசான நுரையீரல் பாதிப்புகள் ஏற்பட்டாலும், அவை தற்போதைக்கு கவலைப்படும் அளவிற்கு இல்லை என்று மருத்துவர்கள் தெரிவித்துள்ளனர்.
சிறுநீரகச் செயல்பாடு இன்னும் சற்று சீரான நிலைக்கு வந்தவுடன், அவருக்கு ஆஞ்சியோகிராம் (Angiogram) சிகிச்சை அளிக்க மருத்துவமனை நிர்வாகம் திட்டமிட்டுள்ளது.
79 வயதான ஹாஷிம் ஜாசின், உடல்நலக்குறைவு காரணமாகக் கடந்த சில நாட்களாக மருத்துவமனையில் சிகிச்சை பெற்று வருகிறார். அவர் விரைவில் குணமடைய வேண்டும் எனப் பல்வேறு அரசியல் தலைவர்களும் தொண்டர்களும் பிரார்த்தனை செய்து வருகின்றனர்.
