இதற்கிடையே தான், அகமதாபாத் மைதானத்தில் பயிற்சியின் போது ஹர்திக் பாண்டியா அடித்த ஷாட் முகமது சிராஜ் காலில் பட உடனே வலியால் துடித்து அலறினார். மைதானத்தில் சுருண்டு விழ அவருக்கு உடனடி சிகிச்சை கொடுக்கப்பட்டது. டி20 உலகக் கோப்பை 2026க்கு சற்று முன்பு, ஹர்ஷித் ராணா காயத்தால் வெளியேற முகமது சிராஜ் அணியில் சேர்க்கப்பட்டார். அதன்படி, அமெரிக்காவிற்கு எதிரான இந்தியாவின் முதல் போட்டியில் விளையாடிய சிராஜ், மூன்று விக்கெட்டுகளையும் வீழ்த்தினார். அதன்பின் மற்ற போட்டிகளில் சிராஜ் விளையாடவில்லை என்றாலும், அவரின் முழங்காலில் காயம் ஏற்பட்டிருப்பது இந்திய அணிக்கு புதிய கவலைகளை ஏற்படுத்தியுள்ளது.
