தசுன் சானக அதிவேக அரைசதத்தை பெற்று சாதனை

T20 உலகக் கிண்ண போட்டியில் இலங்கை அணியின் தலைவர் தசுன் சானக அதிவேக அரைசதத்தை பெற்று தனது சொந்த சாதனையை முறியடித்துள்ளார்.

உலக கிண்ண கிரிக்கெட் தொடரின் ஓமானுக்கு எதிரான போட்டி கண்டி – பல்லேகலேயில் இன்று இடம்பெற்றது.

இன்றைய போட்டியில் நாணயச் சுழற்சியில் வெற்றி பெற்ற ஓமான் அணி முதலில் களத்தடுப்பைத் தீர்மானித்தது.

இலங்கை அணி 

இதனையடுத்து முதலில் துடுப்பெடுத்தாடிய இலங்கை அணி நிர்ணயிக்கப்பட்ட 20 ஓவர்கள் நிறைவில் 5 விக்கெட்டுக்களை இழந்து 225 ஓட்டங்களைப் பெற்றுக்கொண்டது.  

ஆரம்ப விக்கெட்டுகள் விரைவில் வீழ்த்தப்பட்ட போதிலும், குசல் மெந்திஸ் மற்றும் பவன் ரத்நாயக்க ஆகியோர் பொறுப்புடன் ஆடி அணியின் ஓட்ட எண்ணிக்கையை உயர்த்தினர்.

குசல் மெந்திஸ் 61 ஓட்டங்களையும், பவன் ரத்நாயக்க 60 ஓட்டங்களையும் பெற்றுக் கொண்டனர்.

20 பந்துகளில் அரைசதம் 

இதன்போது, இலங்கை அணியின் தலைவர் தசுன் சானக 19 பந்துகளில் 50 ஓட்டங்களை பெற்றதன் மூலம் இந்த சாதனையை படைத்துள்ளார்.

2 நான்கு ஓட்டங்கள், 5 ஆறு ஓட்டங்கள் அடங்கலாக இந்த சாதனை படைக்கப்பட்டுள்ளது.

அதேநேரம், இந்தியாவுக்கு எதிரான போட்டியொன்றில் 20 பந்துகளில் அரைசதம் அடித்த தனது சாதனையையும் அவர் முறியடித்துள்ளார்.