ஆனால், பாகிஸ்தானில் நிலவும் கடும் போட்டிகளுக்கிடையே தேசிய அணியில் இடம் பிடிப்பது அவருக்கு அவ்வளவு எளிதாக இருக்கவில்லை. அலி கானின் 18 வயதில், அவரது குடும்பம் சிறந்த எதிர்காலத்தைத் தேடி அமெரிக்காவிற்கு குடிபெயர்ந்தது. அங்கு சென்றதும் கிரிக்கெட் கனவு முடிந்துவிடும் என்றுதான் அவர் நினைத்தார். ஆனால், அமெரிக்காவிலும் கிரிக்கெட் விளையாடும் சிறிய குழுக்கள் இருப்பதைக் கண்டு மீண்டும் பந்து வீசத் தொடங்கினார். அங்குள்ள உள்ளூர் போட்டிகளில் இவரது வேகம் அனைவரையும் ஆச்சரியப்படுத்தியது. குறிப்பாக, ஒரு மணிநேரத்திற்கு 140 கி.மீ வேகத்திற்கு மேல் பந்து வீசியது அமெரிக்கத் தேர்வாளர்களின் கவனத்தை ஈர்த்தது.
