சர்க்கரை நோய்க்கான மருந்து முதல் பேட்டரி வரை; அதிரடியாக குறையும் விலை! | வணிகச் செய்திகள்

மத்திய பட்ஜெட்டில் மொபைல் போன்கள், டேப்லெட்டுகள் மற்றும் அவற்றின் உதிரிபாகங்கள் தயாரிப்பதற்கான கூறுகளுக்கு வரி குறைக்கப்பட்டதால் அவற்றின் விலை குறையும்.

17 வகையான புற்றுநோய் எதிர்ப்பு மருந்துகள் மீதான அடிப்படை சுங்க வரி முழுமையாக நீக்கப்பட்டுள்ளது. இதேப்போல், பிறவி அதீத இன்சுலின் சுரப்பு நோய், பரம்பரை உயர் கொலஸ்ட்ரால் உள்ளிட்ட 7 அரிய வகை நோய்களுக்கான மருந்துகளின் இறக்குமதி வரி ரத்து செய்யப்பட்டுள்ளது.

வெளிநாட்டிலிருந்து தனிநபர் பயன்பாட்டிற்காகக் கொண்டுவரப்படும் பொருட்களுக்கான வரி 20 சதவிகிதத்திலிருந்து 10 சதவிகிதமாக குறைக்கப்பட்டுள்ளது. மைக்ரோவேவ் ஓவனின் முக்கிய உதிரிபாகங்களுக்கு வரி விலக்கு அளிக்கப்பட்டுள்ளது.

விமான உதிரிபாகங்கள் பராமரிப்பு மற்றும் பழுதுபார்ப்புகளுக்கு வரிச் சலுகை வழங்கப்பட்டுள்ளது. வெளிநாட்டுச் சுற்றுலா பேக்கேஜ்கள் மற்றும் வெளிநாட்டுக் கல்விக்கான பணப் பரிமாற்றத்தின் மீதான TCS வரி 2%-ஆகக் குறைக்கப்பட்டுள்ளது. முன்பு இது 5% முதல் 20% வரை இருந்தது.

தோல் பொருட்கள் தயாரிப்பிற்கான மூலப்பொருட்கள் மீதான வரி குறைக்கப்பட்டுள்ளது. சோலார் கிளாஸ் மற்றும் பேட்டரி தயாரிப்பிற்குத் தேவையான கனிமங்கள் மீதான வரி குறைக்கப்பட்டதால் சோலார் பேனல் விலை குறையலாம்.