Last Updated:
மத்திய அரசு அறிவிப்பின் பேரில் இன்று முதல் சிகரெட் மற்றும் புகையிலை பொருட்கள் விலை 2 ரூபாய் 5 காசுகள் முதல் 8 ரூபாய் 50 காசுகள் வரை உயர்வு அமலாகிறது.
நாடு முழுவதும் சிகரெட் விலை உயர்வு இன்று முதல் அமலுக்கு வருகிறது. அதன்படி 75 மில்லி மீட்டர் உயர சிகரெட்டுகள் 5 ரூபாய் 40 காசுகள் விலை உயருகிறது.
சிகரெட் மற்றும் புகையிலை பொருட்கள் மீதான கூடுதல் கலால் வரி, பான் மசாலா மீதான சுகாதார செஸ் வரியை 40 சதவீத ஜிஎஸ்டி விகிதத்திற்கு மேல் உயர்த்தி மத்திய அரசு அறிவித்தது. இதனால் பிப்ரவரி 1 முதல் சிகரெட்டின் விலை உயரக்கூடும் என கூறப்பட்டது.
அதன்படி இன்று முதல் புதிய சிகரெட் விலை உயர்வு அமலுக்கு வருகிறது. பில்டர் பொருத்தாத 65 மில்லி மீட்டர் உயர சிகரெட் அதிகபட்சமாக 2 ரூபாய் 5 காசுகள் வரை உயருகிறது. அதேநேரம் பில்டர் பொருத்தப்பட்ட 65 மில்லி மீட்டர் உயர சிகரெட் அதிகபட்சம் 2 ரூபாய் 10 காசுகள் வரை விலை உயருகிறது.
அதேபோல், 65 முதல் 70 மில்லி மீட்டர் உயரத்திலான சிகரெட் 3 ரூபாய் 60 காசுகள் முதல் 4 ரூபாய் வரையும், 75 மில்லி மீட்டர் உயர சிகரெட்டுகள் 5 ரூபாய் 40 காசுகள் விலை உயருகிறது. மற்ற வகை சிகரெட்டுகள் அதிகபட்சமாக 8 ரூபாய் 50 காசுகள் வரை விலை உயரக்கூடும் எனத் தெரிகிறது.
