மரணத்தின் பிடியிலிருந்து மீண்ட ஜாம்பவான்.. மருத்துவமனையில் இருந்து டேமியன் மார்ட்டின் டிஸ்சார்ஜ்! | விளையாட்டு

54 வயதான டேமியன் மார்ட்டினுக்கு திடீரென கடுமையான உடல்நலக்குறைவு ஏற்பட்டு, கடந்த டிசம்பர் மாத இறுதியில் அவர் மருத்துவமனையில் அனுமதிக்கப்பட்டார். அவருக்கு மெனிஞ்சைடிஸ் (Meningitis) இருப்பது கண்டறியப்பட்டது.

இது மூளை மற்றும் தண்டுவடத்தைப் பாதுகாக்கும் சவ்வுகளில் ஏற்படும் ஆபத்தான வீக்கம் ஆகும். உரிய நேரத்தில் சிகிச்சை அளிக்காவிட்டால் இது உயிருக்கே ஆபத்தாக முடியக்கூடிய ஒரு நோய்.

மருத்துவமனையில் தீவிர சிகிச்சைக்குப் பிறகு குணமடைந்த அவர், தனது சமூக வலைதளப் பக்கத்தில் மருத்துவமனை உடையில் இருக்கும் புகைப்படத்தைப் பகிர்ந்து, “நான் திரும்பி வந்துவிட்டேன்” (I’m Back) என்று பதிவிட்டுள்ளார். மேலும், “மெனிஞ்சைடிஸில் இருந்து உயிர் பிழைத்துவிட்டேன். விரைவில் குணமடைந்து வருகிறேன்” என்று நெகிழ்ச்சியுடன் தெரிவித்துள்ளார்.

இந்த தகவல் வெளியானதும் கிரிக்கெட் உலகம் இன்ப அதிர்ச்சியடைந்தது. ஆஸ்திரேலிய முன்னாள் கேப்டன் ரிக்கி பாண்டிங், ஆடம் கில்கிறிஸ்ட் மற்றும் பல சர்வதேச கிரிக்கெட் வீரர்கள் அவர் விரைவில் முழுமையாகக் குணமடைய வாழ்த்துகளைத் தெரிவித்து வருகின்றனர்.