பீகார் நகைக்கடையின் பாத்ரூம் வென்டிலேட்டர் வழியே நுழைந்து திருட்டு – சோலோவாக வந்து கொள்ளையடித்த நபர் சிக்குவாரா…? | இந்தியா

ஒரு திருட்டை அரங்கேற்ற வருடக்கணக்கில் திட்டம் போட்டு, மாதக்கணக்கில் தயாராகி, சில ஆயிரங்களாவது செலவு செய்து, அடி பிசகாமல் திட்டப்படி அரங்கேற்றுவது பற்றித்தான் கேள்விப்பட்டிருப்போம்.

அத்தகைய மணி ஹெய்ஸ்ட் புரொபஸர்கள் பெருகி வரும் இந்த காலத்தில், சிம்பிளாக ஒரு துண்டை எடுத்து முகத்தைச் சுற்றிக் கொண்டு ஒரு நகைக்கடைக்கே விபூதி அடித்த நபரின் சிசிடிவி காட்சிகள்தான் தற்போது வெளியாகியுள்ளது. சசாரம் நகர காவல் நிலையப் பகுதியில் உள்ள கிட்னா ஜுவல்லர்ஸ் கடையில்தான் அந்தத் திருட்டு அரங்கேறி இருக்கிறது.

முடிந்தால் கதவை உடைத்துப் பார் என முரட்டு இரும்பில் கடை ஓனர் கதவை உருவாக்கி வைக்க, அதை எல்லாம் பொருட்படுத்தாத அந்த நபர் பாத்ரூம் வெண்டிலேட்டர் வழியாக சிம்பிளாக கடைக்குள் நுழைந்திருக்கிறார்.

மறுநாள் கடைக்கு வந்த ஜுவல்லரி ஓனருக்கு இதயம் எகிறி வெளியே வந்து விழுந்ததுபோல் அதிர்ச்சியில் உறைந்து போனார். யார் பார்த்த வேலை இது என சிசிடிவியை பார்த்த போது தான், அந்த சிம்பிள் திருடனின் சிம்பிள் கொள்ளை தெரியவந்தது.