பெண் கண்டெக்டருக்கு ‘பளார்’ விட்ட ஆண் பயணி.. பேருந்தில் நடந்த அதிர்ச்சி.. என்ன நடந்தது? | இந்தியா

இதனால், வேறு வழியின்றி பேருந்தை இடைமறித்து நிறுத்தியுள்ளனர். பேருந்தை நிறுத்திய ஓட்டுநர் பயணிகளை ஏற்றுவதற்குப் பதில், ஏன் வண்டியை தடுத்தீர்கள் என்று ஏக வசனம் பேசியுள்ளார். அதற்கு, பேருந்தில் இடம் இருக்கும்போது தங்களை ஏற்றிச் சென்றால் என்ன என்று எதிர் கேள்வி கேட்டு ஒருவர் உள்ளே ஏறியுள்ளார். அதைக் கண்டு ஆத்திரமடைந்த பெண் நடந்துனர், கண்ட இடத்தில் எல்லாம் பேருந்தை நிறுத்த முடியாது என்று அவர் பங்கிற்கு குரலை உயர்த்திப் பேசியுள்ளார்.

அதை காதில் வாங்கிக் கொள்ளாத நபர், நடத்துநரை தள்ளிவிட்டு அவருடை இருக்கையிலேயே ஒய்யாரமாக அமர்ந்து கொண்டார். அதை பார்த்த மற்ற பயணிகளும் பேருந்துக்குள் ஏற முற்பட்டுள்ளனர். அவர்களை தடுத்து நிறுத்திய நடத்துநர், தனக்கு கோபம் வந்தால் என்ன செய்வேன் என்று எனக்கே தெரியாது என ஆவேசமடைந்துள்ளார். அப்போது, கீழே நின்றிருந்த ஒருவர், அனைவரையும் விலக்கிவிட்டு பேருந்தில் ஏறி நடத்துநனரின் கன்னத்தில் பளார் என அறைந்துள்ளார்.

அதை சற்றும் எதிர்பாராத நடத்துநர், கத்தி கூப்பாடு போட்டுள்ளார். ஒரு கட்டத்தில் கோபம் தலைக்கேறியதும், தன்னை தாக்கிய நபரை பதிலுக்கு பளார் விட்டுள்ளார். இதனால், இரு தரப்பினருக்கும் இடையே வாக்குவாதம் முற்றி கைகலப்பாகியுள்ளது. இத்தனை நடந்தும் பேருந்தில் இருந்த பயணிகள் கைகட்டி வேடிக்கை மட்டுமே பார்த்தனர். பின்னர், ஒருசில பெண்கள் முன்வந்து இருதரப்பினரையும் சமாதானம் செய்தனர்.

இது தொடர்பான வீடியோ வெளியாகி சர்ச்சையை ஏற்படுத்திய நிலையில், பணியில் இருந்த பெண் நடத்துநரை தாக்கியவரை போலீசார் கைது செய்துள்ளனர். மேலும், சிலர் மீது வழக்குப்பதிவு செய்து விசாரணை மேற்கொண்டு வருகின்றனர்.  இதனிடையே, பெண் நடத்துநர் தாக்கப்பட்ட சம்பவத்தில், அரசுப் பேருந்து ஓட்டுநர்கள் மற்றும் நடத்துநர்கள் கடும் கண்டனம் தெரிவித்துள்ளனர். மேலும், அரசுப் பேருந்து ஊழியர்களின் பாதுகாப்பை உறுதி செய்ய உரிய நடவடிக்கை எடுக்க வேண்டும் எனவும் வலியுறுத்தியுள்ளனர்.