ஜப்பானை பின்னுக்குத்தள்ளி இந்தியா செய்த சாதனை… மத்திய அரசு வெளியிட்ட மகிழ்ச்சியான செய்தி! | இந்தியா

அதன்படி மொத்த உள்நாட்டு உற்பத்தியில், ஜப்பானை விஞ்சியுள்ள இந்தியா, உலகின் நான்காவது மிகப்பெரிய பொருளாதாரமாக உருவெடுத்துள்ளது. 4.18 டிரில்லியன் அமெரிக்க டாலர்கள் என்ற மொத்த உள்நாட்டு உற்பத்தியுடன், இந்தியா உலகளவில் நான்காவது இடத்தில் உள்ளது. உலகின் மிகப்பெரிய பொருளாதார நாடுகளின் பட்டியலில் ஜப்பானை பின்னுக்குத் தள்ளி இந்தியா நான்காவது இடத்தில் உள்ளதாக மத்திய அரசு தெரிவித்துள்ளது.

வலுவான உள்நாட்டுத் தேவை, நிறுவன சீர்திருத்தங்கள், பணக் கொள்கைகள், விலை நிலைத்தன்மை உள்ளிட்டவற்றால் இது சாத்தியமானதாகவும் தெரிவிக்கப்பட்டுள்ளது. தற்போதைய வேகம் தொடர்ந்தால், அடுத்த மூன்று ஆண்டுகளுக்குள் ஜெர்மனியையும் விஞ்சி இந்தியா மூன்றாவது இடத்தை அடையும் எனவும் கணிக்கப்பட்டுள்ளது. இப்பட்டியலில் உலகின் முதல் பெரிய பொருளாதார நாடாக அமெரிக்காவும் அதனையடுத்து சீனா 2ஆவது இடத்திலும் உள்ளன.