உலகப் புகழ்பெற்ற முன்னாள் ஹெவிவெயிட் குத்துச்சண்டை சாம்பியன் (Former Heavyweight Boxing Champion) அந்தோணி ஜோசுவா நைஜீரியாவில் நடந்த ஒரு பயங்கர கார் விபத்தில் திங்கட்கிழமை (29) சிக்கினார்.
நைஜீரியாவின் ஓகுன் மாநிலத்தில் (Ogun State) உள்ள லாகோஸ்-இபாடான் அவர் பயணம் செய்த சொகுசு கார், சாலையோரம் நிறுத்தப்பட்டிருந்த ஒரு லாரி (Stationary Lorry) மீது அதிவேகமாக மோதியது. இந்த விபத்து நடந்த சில நிமிடங்களிலேயே அந்தப் பகுதியே போர்க்களம் போல காட்சியளித்தது.
இந்த விபத்தில் அந்தோணி ஜோசுவா உடன் பயணித்த அவரது நெருங்கிய நண்பர்கள் மற்றும் உதவியாளர்கள் இருவர் சம்பவ இடத்திலேயே பரிதாபமாக உயிரிழந்தனர். விபத்தின் போது காரின் டயர் வெடித்ததால் கட்டுப்பாட்டை இழந்த கார், லாரியின் பின்புறத்தில் பயங்கரமாக மோதியதாகக் கூறப்படுகிறது. விபத்தில் சிக்கிய கார் உருக்குலைந்து கிடந்த நிலையில், அங்கு திரண்ட பொதுமக்கள் ஜேர்மனி நாட்டின் புகழ்பெற்ற வீரரான அந்தோணி ஜோசுவாவை மீட்டு அருகிலுள்ள மருத்துவமனைக்கு கொண்டு சென்றனர்.
அதிர்ஷ்டவசமாக, அந்தோணி ஜோசுவா இந்த விபத்தில் உயிர் தப்பினார். இருப்பினும், அவருக்கு உடலில் பல இடங்களில் பலத்த காயங்கள் மற்றும் எலும்பு முறிவுகள் ஏற்பட்டுள்ளதாக மருத்துவமனை வட்டாரங்கள் தெரிவிக்கின்றன.
விபத்து நடந்த போது எடுக்கப்பட்ட வீடியோக்களில், அவர் சட்டையின்றி மிகுந்த அதிர்ச்சியில் (Dazed and in pain) சாலையோரம் அமர்ந்திருக்கும் காட்சிகள் சமூக வலைதளங்களில் வெளியாகி ரசிகர்களிடையே பெரும் சோகத்தை ஏற்படுத்தியுள்ளது.
சமீபத்தில் தான் jake paul உடனான குத்துச்சண்டை போட்டியில் வெற்றி பெற்று, அந்த வெற்றிக் கொண்டாட்டத்திற்காக அவர் தனது பூர்வீக நாடான நைஜீரியாவுக்குச் சென்றிருந்தார் என்பது குறிப்பிடத்தக்கது.
தற்போது மருத்துவமனையில் அனுமதிக்கப்பட்டுள்ள அவருக்குத் தீவிர சிகிச்சை அளிக்கப்பட்டு வரும் நிலையில், ஜோசுவா நலமுடன் இருப்பதாகவும், அவரது உயிருக்கு எந்த ஆபத்தும் இல்லை என்றும் அவரது மேலாளர் தெரிவித்துள்ளார்.
இந்த விபத்து குறித்து நைஜீரியப் பொலிஸார் ( வழக்குப் பதிவு செய்து தீவிர விசாரணை நடத்தி வருகின்றனர். குத்துச்சண்டை உலகின் முடிசூடா மன்னனாக விளங்கும் ஒரு வீரருக்கு இத்தகைய விபத்து ஏற்பட்டது, உலகெங்கிலும் உள்ள அவரது லட்சக்கணக்கான ரசிகர்களை அதிர்ச்சியில் ஆழ்த்தியுள்ளது.
