இத்தாலியில் பலஸ்தீன மக்களுக்கான மனிதாபிமான உதவி என்ற பெயரில் ஹமாஸ் அமைப்பிற்கு சுமார் ஏழு மில்லியன் யூரோக்கள் நிதி திரட்டி அனுப்பியதாக ஒன்பது பேரை இத்தாலியத் காவல்துறை கைது செய்துள்ளது.
இத்தாலியில் பயங்கரவாத எதிர்ப்புப் பிரிவு மற்றும் நிதிப் பிரிவு காவல்துறை இணைந்து நடத்திய அதிரடி சோதனையில் இந்த கைது நடவடிக்கைகள் மேற்கொள்ளப்பட்டன.
கடந்த 2023 ஆம ஆண்டு ஒக்டோபர் ஏழாம் திகதி இஸ்ரேல் மீது ஹமாஸ் நடத்திய தாக்குதலைத் தொடர்ந்து இந்த புலனாய்வு விசாரணைகள் தொடங்கப்பட்டன.
காவல்துறை பறிமுதல்
இந்தநிலையில், பலஸ்தீன பொதுமக்களுக்கு உதவும் நோக்கில் நிதி திரட்டப்படுவதாக தெரிவித்து ஒரு சிக்கலான நிதி திரட்டும் முறையைப் பயன்படுத்தி ஹமாஸ் அமைப்புக்கு இவர்கள் பணத்தை அனுப்பியுள்ளதாக தெரிவிக்கப்படுகின்றது.
திரட்டப்பட்ட நிதியில் 71 சதவீதத்துக்கும் அதிகமான தொகை ஹமாஸின் இராணுவப் பிரிவிக்கும் மற்றும் தற்கொலைப்படைத் தாக்குதலில் ஈடுபட்டவர்களின் குடும்பங்களுக்கும் பயங்கரவாத வழக்குகளில் கைதானவர்களுக்குமான ஆதரவு நிதியாகவும் மாற்றப்பட்டுள்ளதாக தெரியவந்துள்ளது.
கைது நடவடிக்கையோடு சேர்த்து, சுமார் எட்டு மில்லியன் யூரோக்கள் மதிப்பிலான சொத்துக்களையும் இத்தாலியக் காவல்துறை பறிமுதல் செய்துள்ளது.
கைதானவர்களில் ஒருவர் இத்தாலியில் உள்ள பலஸ்தீன சங்கத்தின் தலைவராகச் செயல்பட்டு வந்த ஒருவரும் அடங்குவதாக தெரிவிக்கப்பட்டுள்ளது.
ஹமாஸின் நிதி திரட்டும் அமைப்பில் இவர் முக்கியப் பங்கு வகித்ததாகக் காவல்துறை கருதுகின்றது.
இருப்பினும், தன் மீதான குற்றச்சாட்டுகளை அவர் மறுத்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்…! |
