IND vs SA T20 : லக்னோவில் கொட்டும் பனி.. இந்தியா vs தென்னாப்பிரிக்கா மேட்ச் தொடங்குவதில் தாமதம்.. | விளையாட்டு

இன்று மாலை 6.30-க்கு டாஸ் போடப்பட்டு 7 மணிக்கு போட்டி தொடங்கவிருந்த நிலையில், லக்னோவில் பனி கொட்டித் தீர்த்து வருவதால் ஆட்டம் தொடங்குவதில் தாமதம் ஏற்பட்டுள்ளது.

இந்தியாவில் சுற்றுப்பயணம் மேற்கொண்டுள்ள தென் ஆப்பிரிக்க கிரிக்கெட் அணி 5 போட்டிகள் கொண்ட டி20 தொடரில் பங்கேற்றுள்ளது. இதில் கட்டாக்கில் நடந்த முதலாவது ஆட்டத்தில் இந்தியா 101 ரன் வித்தியாசத்தில் வெற்றி பெற்றது. நியூசண்டிகரில் நடந்த 2 ஆவது ஆட்டத்தில் தென் ஆப்பிரிக்கா 51 ரன் வித்தியாசத்தில் வெற்றி கண்ட நிலையில், தர்மசாலாவில் நடந்த 3ஆவது ஆட்டத்தில் 7 விக்கெட் வித்தியாசத்தில் வெற்றிபெற்ற இந்திய அணி, 2-க்கு ஒன்று என்ற கணக்கில் முன்னிலை வகிக்கிறது.

இந்த நிலையில் இந்தியா-தென் ஆப்பிரிக்கா அணிகள் மோதும் 4-வது டி20 போட்டி உத்தரபிரதேச மாநிலம் லக்னோவில் இன்று இரவு 7 மணிக்கு தொடங்கவிருந்தது. ஆனால் பனி காரணமாக போட்டி தொடங்குவதில் தொடர்ந்து தாமதம் ஏற்பட்டு வருகிறது.