Last Updated:
இந்த நிகழ்வின் வீடியோ உயிரியல் பூங்காங்களில் விலங்குகள் மற்றும் மனிதர்கள் இடையேயான பாதுகாப்பு குறித்த கேள்விகளை எழுப்பியுள்ளது.
சீனாவின் ஹாங்ஷோவில் உள்ள ஷஃபாரி உயிரியல் பூங்காவில் திடீரென பராமரிப்பாளரை கரடி தாக்கியுள்ளது. இதன் வீடியோ காட்சி வெளியாகி அதிர்வலைகளை ஏற்படுத்தியுள்ளது.
சம்பந்தப்பட்ட உயிரியல் பூங்காவில், விலங்குகளை அழைத்து வந்து பராமரிப்பாளர் கண்காட்சியில் காட்சிப்படுத்தியுள்ளார். அந்த நேரத்தில் எதிர்பாராதவிதமாக கரடி அதன் பராமரிப்பாளரையே தாக்கியது. கரடியானது தனது பராமரிப்பாளரின் உடையை வலுவாக கவ்விக்கொண்டதால், அதனிடம் இருந்து அவரை மீட்பதற்கு சக ஊழியர்கள் கடும் சிரமப்பட்டுள்ளனர். நீண்ட போராட்டத்திற்கு பின் மீட்கப்பட்ட அவர் பாதுகாப்பாக உள்ளதாகவும், அவருக்கு காயம் ஏதும் இல்லை என்றும் உயிரியல் பூங்கா நிர்வாகம் தெரிவித்தது.
A shocking 46 seconds: At Hangzhou Safari Park, a black bear unexpectedly attacked its keeper during a show. The zoo confirms the keeper is safe, the bear has been removed from shows, and officials suggest the smell of treats may have triggered the bear’s food drive. pic.twitter.com/pZSM5tr25J
— Shanghai Daily (@shanghaidaily) December 7, 2025
பார்வையாளர்கள் வரிசையில் அமர்ந்திருந்தவர்கள் கொண்டு வந்த உணவின் வாசம் கரடியின் பசியைத் தூண்டிவிட்டதால் இப்படி நிகழ்ந்திருக்கலாம் என்று அதிகாரிகள் தெரிவித்தனர். இந்த நிகழ்வின் வீடியோ வெளியாகி பெரும் பரபரப்பையும், உயிரியல் பூங்காங்களில் விலங்குகள் மற்றும் மனிதர்கள் இடையேயான பாதுகாப்பு குறித்த கேள்விகளையும் எழுப்பியுள்ளது.
December 08, 2025 5:24 PM IST
