இன்டர்நெட் இணைப்பு இல்லாதபோது ஆஃப்லைன் UPI பேமென்ட் செலுத்தணுமா…? வழிமுறைகள் இதோ…! | வணிகம்

UPI டிரான்ஸாக்ஷன்கள் சில சமயங்களில் மோசமான இன்டர்நெட் இணைப்பு அல்லது பேங்க் சர்வர் பிரச்சனைகள் காரணமாக தோல்வியடைய வாய்ப்புகள் உள்ளன. சரியான இன்டர்நெட் இணைப்பு இல்லாமல் UPI பேமென்ட்களை செய்வதற்கு உங்களால் இயலவில்லை என்றால் USSD சேவை மூலமாக ஆஃப்லைன் முறையில் UPI பேமென்ட்களை எப்படி செய்யலாம் என்பதை இந்தப் பதிவில் பார்க்கலாம்.

ஆஃப்லைன் UPI பேமென்ட்களை செய்வதற்கு முன்பு, உங்களுடைய வங்கியில் பதிவு செய்யப்பட்ட மொபைல் நம்பர் உங்களிடம் இருப்பதை நீங்கள் உறுதி செய்ய வேண்டும். அவ்வாறு செய்வதற்கு முதலில் உங்களுடைய நம்பர் வங்கி கணக்கில் இணைக்கப்பட்டு இருக்கிறதா என்பதை உறுதிப்படுத்திக் கொள்ளுங்கள். மேலும், உங்களுடைய வங்கியின் அப்ளிகேஷன் அல்லது வெப்சைட் மூலமாக ஒரு UPI PIN-ஐ நீங்கள் அமைக்க வேண்டும்.

• *99# ஆஃப்லைன் UPI பேமென்ட்டுகளை செய்வதற்கான எண் ஆகும்.
• இதனை உங்களுடைய போன் டயலரில் நீங்கள் டைப் செய்யும்போது இன்டர்நெட் இணைப்பு இல்லாமல் UPI சேவைகளை பயன்படுத்துவதற்கான ஒரு மெனு திறக்கப்படும்.
• இப்போது உங்களுக்கு வேண்டிய வங்கிக் கணக்கை தேர்வு செய்துவிட்டு பரிவர்த்தனை வகையையும் தேர்வு செய்யுங்கள்.
• பணத்தை அனுப்புவதற்கு நீங்கள் பெறுநர் உடைய மொபைல் நம்பர், UPI ID அல்லது வங்கி அக்கவுன்ட் விபரங்களை என்டர் செய்ய வேண்டும்.
• அதனோடு வங்கியின் IFSC குறியீட்டையும் என்டர் செய்யுங்கள். இதனை செய்தபிறகு எவ்வளவு தொகை நீங்கள் அனுப்ப வேண்டுமோ அதனை என்டர் செய்துவிட்டு, UPI PIN நம்பரை டைப் செய்யவும்.

ஆனால், இந்த மாதிரி பரிவர்த்தனைகள் செய்வதற்கான அதிகபட்ச வரம்பு என்பது 5,000 ரூபாயாக விதிக்கப்பட்டுள்ளது. மேலும், ஒவ்வொரு பரிவர்த்தனைக்கும் 0.50 ரூபாய் கட்டணம் வசூலிக்கப்படும். இந்த அம்சத்தை நீங்கள் எப்போது வேண்டுமானாலும் பயன்படுத்திக் கொள்ளலாம். விடுமுறை நாட்களிலும் இந்த அம்சம் செயலில் இருக்கும். மேலும், இது அனைத்து தொலைதொடர்பு நெட்வொர்க் மற்றும் மொபைல்களில் பயன்படுத்தப்படலாம்.