இந்த இரண்டில் மட்டும் கவனம் செலுத்துங்க.. ரோஹித் சர்மாவுக்கு கண்டிஷன் போட்ட பிசிசிஐ.. விபரம் என்ன? | விளையாட்டு

இந்திய கிரிக்கெட் அணியின் ஜாம்பவான்களாக திகழும் ரோஹித் சர்மா மற்றும் விராட் கோலி ஆகியோர் டெஸ்ட் மற்றும் டி20 கிரிக்கெட் ஃபார்மேட்டுகளில் இருந்து ஓய்வை அறிவித்து விட்டனர். தற்போது அவர்கள் முழுமையாக ஒரு நாள் போட்டி தொடரில் மட்டுமே விளையாடுகிறார்கள். இருவரும் 2027 ஆம் ஆண்டு நடைபெறவிருக்கும் உலகக்கோப்பை ஒருநாள் கிரிக்கெட் போட்டி தொடருக்கு தயாராகி வருவதாக தகவல்கள் தெரிவிக்கின்றன.

இதற்கிடையே அவர்களது பேட்டிங் ஃபார்ம் அவ்வப்போது கேள்வியை எழுப்பி வருகிறது. இந்த நிலையில் இந்திய அணி தென்னாப்பிரிக்காவுக்கு எதிரான 3 போட்டிகள் கொண்ட ஒரு நாள் கிரிக்கெட் தொடரில் விளையாடுகிறது.

முதல் போட்டி நாளை நவம்பர் 30ஆம் தேதியும், இரண்டாவது போட்டி டிசம்பர் 3-ஆம் தேதியும், கடைசி போட்டி டிசம்பர் 6ஆம் தேதியும் நடைபெறுகிறது. இந்த நிலையில் பிசிசிஐ ரோஹித் சர்மாவுக்கு சில அறிவுறுத்தல்களை வழங்கியுள்ளதாக தகவல்கள் வெளிவந்துள்ளன.

அதாவது ரோகித் சர்மா தன்னுடைய பிட்னஸ் உடல் நலன் மற்றும் ஆட்டத்தில் மட்டுமே கவனம் செலுத்த வேண்டும் என பிசிசிஐ கேட்டுக் கொள்ளப்படுவதாக கூறப்படுகிறது. மேலும் ஓய்வு குறித்து எந்த தருணத்திலும் கேள்வி எழுப்பப்பட்டால் அதற்கு பதில் அளிக்க வேண்டாம் என்றும் பிசிசிஐ ரோஹித் சர்மாவை அறிவுறுத்தியதாக தற்போது தகவல்கள் வெளிவந்துள்ளன.