”மிகவும் பணிவான மனிதர், கிராமத்திற்கே பேரிழப்பு” தேஜஸ் விமான விபத்தில் உயிரிழந்த விமானி நமன்ஷ் ஷ்யாலுக்கு குவியும் அஞ்சலி | இந்தியா

இதில் பல்வேறு நாட்டு விமானப்படை விமானங்களுடன் இந்திய விமானப்படையின் தேஜஸ், ரஃபேல், சூரிய கிரண் உள்ளிட்ட விமானங்கள் இணைந்து வானில் பல்வேறு சாகசங்களை நிகழ்த்தின. இந்நிலையில் கண்காட்சியின் கடைசி நாளான நேற்று இந்தியாவின் உள்நாட்டு தயாரிப்பான ’LCA Mk-1’ என்ற தேஜஸ் ரக விமானமும் பங்கேற்றது.

இந்த விமானம் வானில் பல்வேறு சாகசங்களை நிகழ்ச்சி பார்வையாளர்களை வெகுவாகக் கவர்ந்து வந்தது. அப்போது எதிர்பாராதவிதமாக விமானி நமன்ஷ் ஷ்யால்- ன் கட்டுப்பாட்டை இழந்த விமானம் தரையில் விழுந்து வெடித்து சிதறியது. தேஜஸ் விமான விபத்தில் விமானி நமன்ஷ் ஷ்யால் சம்பவ இடத்திலேயே உயிரிழந்தார். இதுகுறித்து இரங்கல் தெரிவித்துள்ள விமானப்படை,இறந்த விமானியின் குடும்பத்துக்கு உறுதுணையாக இருப்போம் என் கூறியுள்ளது. மேலும் தேஜஸ் விமானம் எப்படி விபத்துக்குள்ளானது என்று விசாரிக்கவும் உத்தரவிட்டுள்ளது.

இந்நிலையில் விமானி நமன்ஷ் ஷ்யால் உயிரிழந்த சம்பவம் அறிந்து அவரது கிராம மக்கள் சோகத்தில் ஆழந்துள்ளனர். மறைந்த விமானி ஷ்யால் ஹிமாச்சல் பிரதேசத்தை சேர்ந்த காங்க்ரா மாவட்டத்தை சேர்ந்தவர். ஷியாலின் உயிரிழப்பை அறிந்த அவரது குடும்பத்தினருக்கு கிராம மக்கள் ஆறுதல் தெரிவித்து வருகின்றனர். 34 வயதான விமான ஷ்யாலுக்கு திருமணமாகி 6 வயதில் ஒரு மகள் உள்ளார்.

விமானி ஷ்யால் மறைவு குறித்து அவரது மைத்துனர் ரமேஷ் குமார் பேசுகையில், ”அவருக்கு 34 வயது தான் ஆகிறது. அவருக்கு விரைவில் பதவி உயர்வு கிடைக்க இருந்தது. அவர் இளம்வயதிலே படைத்தலைவர் (விங் கமெண்டர்) பதவியை எட்டியிருந்தார். அவர் அனைவரிடமும் பணிவாக நடந்து கொள்வார். அவரது இழப்பால் எங்கள் கிராமம் முழுவதும் பெரும் துயரத்தை சந்தித்துள்ளது” என்றார்.