மக்களவைத் தேர்தல் 2024… தமிழ்நாட்டில் ஒரே கட்டமாக நடத்த வாய்ப்பு..!

நாளை மக்களவைத் தேர்தல் தேதி அறிவிக்கப்படவுள்ள நிலையில், தமிழ்நாட்டிற்கு ஒரே கட்டமாக தேர்தல் நடத்த தேர்தல் ஆணையம் திட்டமிட்டுள்ளதாக தகவல் வெளியாகியுள்ளது.

புதிய தேர்தல் ஆணையர்களாக கியானேஸ் குமார், சுக்பிர் சிங் சாந்து ஆகியோர் இன்று பதிவியேற்றனர். அதனைத்தொடர்ந்து, தலைமை தேர்தல் ஆணையர் ராஜீவ் குமார் மற்றும் 2 புதிய தேர்தல் ஆணையர்கள் இணைந்து மக்களவைத் தேர்தல் குறித்த ஆலோசனையை மேற்கொண்டனர். இந்த கூட்டத்தில் தேர்தல் தேதி குறித்த முடிவு எடுக்கப்படும் என எதிர்பார்க்கப்பட்டது.

இதன் தொடர்ச்சியாக, நாளை (16.3.2024) பிற்பகல் 3 மணிக்கு மக்களவைத் தேர்தல் தேதி அறிவிக்கப்படும் என தேர்தல் ஆணையம் தெரிவித்துள்ளது. நாளை செய்தியாளர்களை சந்திக்கும் தலைமை தேர்தல் ஆணையர் ராஜீவ் குமார், இதுகுறித்த அறிவிப்பை வெளியிடுவார் என தெரிவிக்கப்பட்டுள்ளது.

இந்நிலையில், மக்களவைத் தேர்தல் எத்தனை கட்டங்களாக நடத்தப்படும் என்பது குறித்த தகவல் வெளியாகியுள்ளது. தென் மாநிலங்களான தமிழ்நாடு, கேரளா, ஆந்திரா, தெலங்கானா உட்பட குஜராத், ஹரியானா ஆகிய மாநிலங்களில் ஒரே கட்டமாக மக்களவைத் தேர்தல் நடத்த தேர்தல் ஆணையம் திட்டமிட்டுள்ளதாக தகவல் வெளியாகியுள்ளது. தமிழ்நாட்டில் அரசியல் கட்சிகள் ஒரே கட்டமாக தேர்தல் நடத்த கோரிக்கை விடுத்திருந்த நிலையில், தேர்தல் ஆணையத்தில் தேர்தல் பட்டியல் வெளியீடுக்கான எதிர்பார்ப்பு அதிகரித்துள்ளது.

Also Read : நாளை வெளியாகிறது மக்களவைத் தேர்தல் தேதி – தேர்தல் ஆணையம் அறிவிப்பு..!

உத்தரபிரதேசம், பிகார், மேற்கு வங்கம் ஆகிய மாநிலங்களில் பாதுகாப்பு காரணங்கள் கருதி 6 முதல் 7 கட்டங்களாக தேர்தல் நடத்தப்படும் என கருதப்படுப்படுகிறது. மேலும், மக்களவைத் தேர்தலுடன் அருணாச்சல பிரதேசம், ஆந்திரா, ஒடிசா, சிக்கிம் ஆகிய மாநிலங்களுக்கான சட்டமன்றத் தேர்தலுக்கான அறிவிப்பும் நாளை வெளியாக வாய்ப்புள்ளது. இதனிடையே, விளவங்கோடு தொகுதிக்கான தேர்தல் தேதியும் நாளை அறிவிப்பில் இடம்பெறலாம் என எதிர்பார்க்கப்படுகிறது.

உலகம் முதல் உள்ளூர் வரை இன்றைய முக்கிய செய்திகள் (Top Tamil News, Breaking News), அண்மைச் செய்திகள் (Latest Tamil News), அனைத்தையும் நியூஸ்18 தமிழ் (News18Tamil.com) இணையதளத்தில் உடனுக்குடன் அறியலாம். News 18 தமிழ் : வாட்ஸ் அப் சேனலை ஃபாலோ செய்யுங்கள்.
நியூஸ்18 தமிழ்நாடு தொலைக்காட்சியை, ARASU CABLE – 46, TCCL – 57, SCV – 28, VK Digital – 30, SUN DIRECT DTH: 71, TATA PLAY: 1562, D2H: 2977, AIRTEL: 782, DISH TV:2977 ஆகிய அலைவரிசைகளில் காணலாம்…