அமெரிக்காவில் ஒரு பெண், ஒரு டிரக்கிலிருந்து செல்போன் ஒன்றைத் திருடியிருக்கிறார். அந்த செல்போனில் இருந்த புகைப்படம், வீடியோக்களைப் பார்த்து அதிர்ச்சியடைந்த பெண், உடனே அதிலிருந்த 12 வீடியோக்கள், 39 படங்கள் என அனைத்தையும் ஒரு மெமரி கார்டில் ஏற்றி, காவல்நிலையத்துக்கு ஒருகடிதத்துடன் அனுப்பியிருக்கிறார். அதில், செல்போன் திருடியது குறித்தும், அதில் தான் பார்த்த அதிர்ச்சி வீடியோ குறித்து எழுதியிருக்கிறார். அப்பெண் குறித்த தகவல்களை அமெரிக்க காவல்துறை வெளியிடவில்லை.

2019-ம் ஆண்டு 30 வயதான கேத்லீன் ஹென்றி என்பவருடைய கொலையிலும், 2018-ம் ஆண்டு 52 வயதான வெரோனிகா அபூச்சுக் என்பவரின் கொலையிலும் தொடர்புடைய முக்கியக் குற்றவாளி, அவர்களைக் கொலை செய்த வீடியோ, அது தொடர்பான படங்கள் என முக்கிய ஆதாரங்கள் அந்த செல்போனில் இருந்திருக்கிறது.
அதைத் தொடர்ந்து, அந்த செல்போனுக்கு உரியவரான அலாஸ்காவில் வசித்து தென்னாப்பிரிக்காவைச் சேர்ந்த பிரையன் ஸ்டீவன் ஸ்மித்(52) என்பவர் கைது செய்யப்பட்டு விசாரிக்கப்பட்டார். கொலை செய்யப்பட்ட பெண்களை பாலியல் வன்கொடுமை செய்து கொலை செய்தது விசாரணையில் தெரியவந்தது. இது தொடர்பாக அலாஸ்கா நீதிமன்றத்தில் வழக்கு விசாரணை நடந்து வந்த நிலையில், பிரையன் ஸ்டீவன் ஸ்மித் கொலை செய்தது உறுதிப்படுத்தப்பட்டிருக்கிறது. தற்போது இந்த வழக்கு அலாஸ்காவில் பரபரப்பாகப் பேசப்பட்டு வருகிறது.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://bit.ly/47zomWY
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/47zomWY