சென்னை: ஆடவருக்கான 14-வது சீனியர் தேசிய சாம்பியன்ஷிப் ஹாக்கி சென்னை எழும்பூரில் உள்ள மேயர் ராதாகிருஷ்ணன் மைதானத்தில் நடைபெற்று வருகிறது.
இதில் நேற்று எஃப் பிரிவில் நடைபெற்ற ஆட்டத்தில் கேரளா ஜம்மு&காஷ்மீர் அணிகள் மோதின. இந்த ஆட்டத்தில் கேரளா 4-0 என்ற கோல் கணக்கில் வெற்றிபெற்றது. அந்த அணி தரப்பில் நிஷாந்த் (22-வது நிமிடம்), பிரேம்குமார் (24-வது நிமிடம்), தேஷ்வின் விஜு (33-வது நிமிடம்), மோஹித் குஷ்வாஹா (60-வது நிமிடம்) ஆகியோர் தலா ஒரு கோல் அடித்தனர்.
‘இ’ பிரிவில் நடைபெற்ற ஆட்டங்களில் ஒடிசா 11-0 என்ற கோல் கணக்கில் ராஜஸ்தானையும், புதுச்சேரி 7-0 என்ற கோல் கணக்கில் அருணாச்சல பிரதேசத்தையும் வீழ்த்தின. ‘ஜி’ பிரிவில் நடைபெற்ற லீக் ஆட்டம் ஒன்றில் மகாராஷ்டிரா 30-0 என்ற கோல் கணக்கில் குஜராத்தை தோற்கடித்தது.
மகாராஷ்டிரா அணி தரப்பில் ஆதித்யா லாலகே, அஜிங்க்ய ஜாதவ் ஆகியோர்க் கோல்களை அடித்து அசத்தினர். வெங்கடேஷ் தேவ்கர், தலீப் ஷா, அனிகெத் கவுரவ் ஆகியோர் தலா 3 கோல்களையும், பிரதாப் ஷிண்டே, வெங்கடேஷ் கென்சே, தேவிந்தர் கனில் வால்மி, கோவிந்த் நாக் ஆகியோர் 2 கோல்களையும் ரஜத் சர்மா, சர்மா, அகிப் ரகிம், தர்ஷன் வைபவ் கவ்கர் ஆகியோர் தலா ஒரு கோலையும் அடித்தனர்.
